Aurten ere, Kizkia Taldeak sagardo lehiaketa antolatu du Astigarragako Gure Izarra elkartean. 16garren edizioa izango da aurtengoa. Taldeko partaideek beste behin probatuko dituzte Gipuzkoan banatuta dauden hogei sagardotegi ezberdinek egindako sagardoa. Hiru egun ezberdinetan sailkapenak egingo dira (asteazkenean izan zen lehenengoa), azkenean sei sagardok lortuko dute finalerako txartela. Datozen sailkapen egunak irailaren 16an eta 23an izango dira, hau da, datozen bi asteazkenetan. Finala, berriz, irailaren 30ean jokatuko da.
Puntuatzeko modu berdina
Taldekideek iaz erabilitako pauso berberak jarraituko dituzte putuaketan. Janarian, berriz, aurten aldaketa bat izango da. Legatza izango da urtero bezala, baina oilasko egoak Lumagorrikoak izango dira.
Parte hartuko duten hogei sagardotegiak, honakoak izango dira: Hernanitik Itxasburu, Olaizola; Adunatik Zabala; Usurbiletik Urdaira; Oiartzunetik Baleio eta Ordozelai; Urnietatik Eula eta Oialume; Andoainetik Gaztañaga; Aiatik Izeta; Astigarragatik Lizeaga, Petritegi, Irigoien, Rezola, Oiarbide; Donostiatik Astiazaran, Barkaiztegi; Zerainetik Oiharte; Lasarte-Oriatik Otegi; eta Lizartzatik Goikoetxea.