Anariren kontzertua gaur, Leokan

Anariren musikak emango die hasiera, gaur gauean, ikas­turte berriko Jabetze Eskolei. Zure aurrekari penalak ema­naldia eskainiko du Leokako labaderoan, gau­e­ko 22:00etan.
Ekitaldiaren bidez, «ema­ku­meei protagonismoa eman nahi zaie berriz ere, antzina emakumeen topaleku, lan leku eta kontu kontari aritze­ko leku izan zen espazioan, Leoka emakumeentzako be­rres­kuratuz. Eta hala, ema­ku­meek urteetan zehar egindako lan ikusezina berreskuratuko dugu», azaldu dute anto­latzaileek.

Trafikoa moztuta egongo da Leokako labadero parean, gaueko 21:50etatik 23:30etara.

Errepidea moztuta, labaderoaren parean
Kontzertua dela eta, trafikoan aldaketak izango dira gaur gauean. Horrela, Larramendi kaletik Portura doan bidea moztuta egongo da, Leokako labaderoaren parean, gaueko 21:50etatik 23:30etara. Sortu daitezkeen arazoengatik bar­kamena eskatu du Udalak, al­dez aurretik.

Jabetze Eskoletan izenematea, gaur arte
Jabetze Eskolen ikastaroetan, bestalde, gaur bukatuko da apuntatzeko epea: Plaza Fe­mi­nistan (Aristizabal kalea, 7), 943 33 70 17 telefonoan, edo maialen-a@hernani.eus eta marijo-a@hernani.eus emai­letara idatzita. Bost ikastaro daude aukeran: munduko ema­kumeen literatura, RAP tailerra, batukada feminista, etxeko konponketak eta orien­ta­zioa mendian.