Kontxako giza katera joateko deia, errausketaren kontra

Giza katea deitu dute igande honetan, Donostiako Kontxa­ko badian, errauskailuaren kontra dauden eragileek. Goi­ze­ko 11:30etan izango da, es­tro­pa­da­ren aurretik.
Deialdiarekin bat egin dute mugimendu, alderdi politiko eta sindikatu askok: Errauske­ta­ren Aurkako Herri Platafor­men Koordinakundea, Eguzki, Zero Zabor, Green­peace, EH Bildu, Ezkerra, Ezker Anitza, Irabazi, Equo, Podemos, CCOO, LAB, ELA, CNT, STEE-EILAS, Gazte Abertzaleak...

Hernaniarrei, joateko deia
Hernanin Zero Zabor taldeak dei egin die hernaniarrei, ekitaldian parte hartzeko: «erra­uskailua txarra dela aspalditik dakigu. Baina gainera, urteotan Hernanin eta leku askotan demostratu dugu errausketa baino alternatiba hobea badela, garbiagoa, merkeagoa, justuagoa. Zergatik egoskortzen dira PNV eta PSE Zubietan errauskailua eraikitzen? Ezin da ulertu, ez bada tartean beraiek ere klase askotako interesak dauzkatela».