Indarrez beteta bueltatu dira oporretatik, Hernaniko igeriketa taldekoak. Eta denboraldi berriari hasiera onena emateko, irteera egin dute Zuhazara. Mota guztietako ekintzak egin dituzte bertan: piragua, arrauna, pedaloa... Horrela, «udako perezak kenduta eta pilak kargatuta» itzuli dira.
Horrela, urtero bezala, taldeko argazkia ateratzeko zita ere jarri dute. Bihar egingo dute, arratsaldeko 18:00etan, kiroldegiaren beheko sarreran. Eskatu dute guztiek taldeko kamixeta edo, bestela, kamixeta txuri bat eramatea.
Apuntatu nahi duena, kiroldegitik pasa daiteke bihartik aurrera, 17:30etatik 18:00etara.
Igerilari berriak apuntatzeko aukera
Modu berean, taldeko kide izan nahi dutenek, apuntatzeko aukera izango dute bihartik aurrera, kiroldegitik pasata arratsaldeko 17:30etatik 18:00etara. Jon Anderrengatik galdetu behar dute.
Kontxako zeharkaldia, larunbat honetan
Lehiatzen ere ari dira herriko igerilariak, eta larunbat honetan, Kontxako Badiako itsas zeharkaldian arituko dira, 11:45etan hasita, igeriketa taldeko kideak eta beste hainbat hernaniar.