Hastear dago ikasturte berria, Hernanialdeko AEKn ere, eta horregatik, dagoeneko hasi du matrikulazio kanpaina. Beraz, «egunerokotasunean euskera txertatu edo hobetu nahi duen edonork», zabalik dauka izena emateko epea. Klaseak goizez, eguerdian zein arratsaldez izan daitezke, eta mota guztietako ikasleek daukate tokia: familian, lagunekin edota kalean euskeraz bizi nahi dutenek, azterketaren bat gainditu nahi dutenek...
Maiztasun aukera ugari
Euskalduntze taldeetan, astean bi, hiru edo lau egunetan izan daitezke klaseak. Azterketak prestatzeko, berriz, astean bi edo hirutan joateko aukera dago, eta edozein mailako azterketak prestatu daitezke bertan. Eta autoikaskuntza sisteman, astean behin edo bitan joan behar da, aukeratutako ordutegian, eta tutore baten laguntza pertsonalizatua jasoko du ikasleak.