Martxan da atzotik, RENFEko trenen ordutegi berria, negukoa. Edozein kasutan, aldaketarik ez da izango, lehengo urteko neguko ordutegiarekin alderatuta. Horrela, ikasturte honetan ere, 39 tren pasako dira astegunetan, bi norabideetan; Irunera zein Brinkolara. Aurreneko trena 05:47etan pasako da Brinkolara bidean, eta 06:14etan Irunera bidean. Azkena, berriz, 22:54etan Brinkolara, eta 22:59etan Irunera.
Bi norabideetan, Irunera eta Brinkolara, 39 tren pasako dira astegunetan, ikasturte honetan zehar.
Asteburuetan ere, gaueko 23:00k arte trenak
Aukera zabala izango da asteburuetan ere, eta gauean, ia 23:00k arte izango dira trenak. Hain justu, astegunetako ordu berean pasako dira azken trenak, Irunera zein Brinkolara, larunbat, igande eta jaiegunetan ere. Aurrenekoak, bere aldetik, goizeko 07:00ak baino lehen pasako dira beti.