Irazustabarrena eta Huitzi, semifinaletan

Finaletik oso gertu daude Amaia Irazustabarrena eta Maider Huitzi palista herna­nia­­rrak, 22 urtez azpiko Mun­duko Txapelketan. Ligaxkako hiru partiduak irabazi dituzte, eta aurreneko postuan pasa dira semifinaletara. Gaur arra­tsaldean jo­ka­tuko dute Fran­tziaren kontra, final haun­dia­ren bila, 17:00etan.
Irazustabarrenak jokatu zu­en aurreneko partidua, Rebeka Contin nafarrarekin, Txileren kontra, eta 15-1 eta 15-2 irabazi zuten. Bigarrenean estreinatu zen Huitzi, Izaskun Arrosagarai nafarra lagun, Venezuelari 15-4 eta 15-6 irabazita.
Astezkenean zuten partidu zailena, Argentinaren kontra, eta horretan ere nagusitu ziren Irazustabarrena eta Contin, bi setetan: 15-14 eta 15-11.