«Benetan nahi duen edonor ilustratzaile izan daiteke, baina gogo haundia jarri behar zaio»

Urteak daramazki Ainara Azpiazu ‘Axpi’ hernaniarrak, ilus­trazioaren munduan. Eta mundu horretan, denetik egin du, Kronikarako komikietatik hasi eta haur eta helduentza­ko ikastaroak emateraino. Azken horretan, pauso bat gehiago eman nahi izan du, eta lokala inauguratuko du irailaren 18an, komikigintza, marraz­keta, pintura eta sormena lantzeko. Bertaratzera anima­tu du, «bere barruko mundua atera eta irudikatzeko gogoa daukan edonor».

Nolatan hasi zinen ilustrazioaren munduan?
Txikitatik gustatu izan zait marrazkiak egitea, baina berez oso bizimodu ezegon­ko­rra be­za­la irudikatzen da. Eta ho­rre­gatik, berandu eman nuen pausoa. Soziologia ikasi eta ho­rretan lanean hasi nin­tze­nean, berez soziologo gisa lan egitea erraza ez denez, pen­tsa­tu nuen ilustratzaile bezala ere posible zela bizi­tzea. Eta ho­rrela, arte ederrak ikasi nituen aurrena, eta ilus­trazioko mas­terra ondoren, Italiako Mace­rata herri txikian.

Zenbat urte dira ordutik?
Ba ilustratzaile bezala lanean serio hasi nintzela, 8 bat urte. Eta bitarte honetan, denetik egin dut: haurrentzako libu­ruak, aldizkari eta komikiak, mural pila bat margotu, Kronika, Berria eta Garan komikiak, klaseak eman haur eta helduei... Sari batzuk ere lortu ditut, eta horiek moti­bazio haundia ematen dute.

Kronikan, gainera, hasieratik egon zinen kromikiak egiten.
2004an hasi ginen, eta ordutik gaur arte. Oso lan polita da, Hernani gai hartuta eta her­na­niarrez egiteko aukera ema­ten dizulako. Baina aldi berean, erronka zaila ere bada, urtero gai berdinei buel­ta ezberdinak ematea; edota notiziarik ez den tokitik notizia ateratzea.

Lokala irekiko duzu orain. Zer dela eta?
Beti gustatu zait klaseak ema­tea, urtero izan dut talderen bat. Familiarena zen lokal hau, Andre Kale 2an, eta pen­tsatu nuen hobeto zela hemen ematea klaseak. Gauza polita da familiaren lokal batean egitea ikastaroak, Andre Kalea ere gustatzen zait, eta txoko polita da lokala.

Nolakoak izango dira ikastaro horiek?
Haurrentzat, marrazketa, pin­tu­­ra eta sormena landuko dut, bi taldetan: 6-8 urtekoak eta 9-12 urtekoak. Teknika ikasi ba­te­tik, eta bestetik, baliabi­de­ak eman­­da libre utzi, sorme­na lan­tzeko. Eta komikigintza ere emango dut, 12-16 urte­ko­en­tzat eta hel­du­entzat (18 ur­te­tik go­ra). Isto­rioa garatu, bi­su­al­ki zen­tzua eman, pertsonaiak sortu...
Irailaren 28an hasiko dira kla­­se­ak, eta 24ra arte apuntatu dai­te­ke, andrekale2@gmail.com hel­bi­dean. Lokala hilaren 18an inau­guratuko dut, 19:00ak al­de­ra, eta ateak zabalik egongo dira, jakinmina, zalantzak, in­te­resa... daukan edono­ren­tzat.
Bertaratzera animatu nahi dut, bere barruko mun­dua ate­ra eta irudikatzeko gogoa dau­kan edonor, konple­ju­rik gabe. Benetan nahi duen edo­zein izan daiteke ilus­tra­tzaile. Baina benetan nahi behar da, eta gogo haundia jarri. Zure buruaren motorra zero­rrek izan behar duzu etengabe.