Bost ikastarotan izena emateko aukera dago ostiralera arte, Emakumeentzako Jabetze Eskolan. Ostiralean bertan, izenemate epea bukatuta, ikasturteari hasiera emateko kontzertu berezia izango da Leoka labaderoan; Anarik joko du, gaueko 22:00etan. Aurreneko ikastaroa, berriz, larunbatean hasiko da.
Izenematea, ostiralera arte
Bost ikastaro daude aukeran: Munduko Emakumeen Literatura (gaztelaniaz), RAP tailerra (gaztelaniaz), Batukada Feminista (euskeraz), Etxeko Konponketak (euskeraz) eta Orientazioa Mendian (euskeraz). Azken hau larunbatean bertan hasiko da.
Izena emateko hiru aukera daude: Plaza Feministara jo (Aristizabal kalea 7, behea), 943 33 70 17 telefonora deitu, edo maialan-a@hernani.eus edota marijo-m@hernani.eus helbide elektronikoetara idatzi.
Bestalde, Udalak jakinarazi du ikastaro guztietan izango dela haurtzaindegi zerbitzua.
Anari kantari eta musikaria, ostrialean Leokan
Izenemate epea bukatzean, ikasturte berriari hasiera emateko, kontzertu berezia izango da ostiralean.
Anari kantari eta musikari azkoitiarra izango da Leoka labaderoan, gaueko 22:00etan hasita. Kontzertua doan izango da.