Irailak 8an, datorren asteartean, bukatuko da epea eskabideak aurkezteko, 18 Babes Ofizialeko Etxebizitzaren zozketan sartzeko. Ergobia Ibilbidea lurzatian eraikitakoak dira etxebizitzak, eta erosketa erregimenean emango ditu Udalak.
Zozketan parte hartu nahi duenak, udaletxeko Jabetzaren Erregistroan aurkeztu behar du eskatutako dokumentazioa. Eskaera egiteko orriak, Udalaren web orrian daude: www.astigarraga.net. Bertan daude ikusgai, baita ere, onuradun izateko baldintzak, eta aurkeztu beharreko dokumentazioa.
Astigarragarekin lotura dutenek, lehentasuna
Etxebizitzak eskuratzeko, ez da beharrezkoa Astigarragan finkatuta egotea, Euskadin erroldatua dagoen edonork jaso dezake. Baina lehentasuna izango dute Astigarragarekin lotura dutenek, izan bertan bizi direlako edo herrian lan egiten dutelako.