Bertso Eskolako kideek Bertso Olinpiadak egin zituzten aurreko igandean, Ereñotzun. Kronikak ez zuen aukerarik izan jarraipena egiteko eta ez-gurasoen taldeko kide “guztiz neutro” batek, olinpiaden kronikatxoa egin dio.
Halaxe dio: «Igandean, goizeko 10:30etan jarri genuen zita Ereñotzuko plazan.
Bizikletan 11:00etan abiatu ginen, igeri egin behar zuen gurasoa falta zelako artean. (Bai, Unai Agirre).
Ez-Gurasoen taldea erraz nagusitu zen bizikletan eta igeri minutu pare bateko abantailarekin hasi zen. Estilo guztietan, lasai ederrean, nagusitu ziren Ez-Gurasoak berriz ere.
Bertsotan, Portuko saioan, Ez-Gurasoak kontrario gabe aritu ziren. Gurasoak ez ziren azaltzera ausartu ere egin.
Palan ere, gurasoen umeek frontoian traba eginagatik, Ez-Gurasoak nagusi, 22-13.
Paellarik onena zein zen jakiteko, sobrak begiratzea besterik ez zegoen. Gurasoen paellatik 6 tupper sobratu ziren eta Ez-Gurasuenetik bakarra.
Mainontzi mahai jokoan Gurasoek irabazi zuten, baina normala: galderak beraiei buruzkoak ziren. Esate baterako, hau izan zen galderetako bat: hauetako zein bertsolari ez da izan okupa? Iturriaga, Silveira edo Irazu? Injustua izan zen erabat».
Irabazi ala ez, giro ederrean ibili ziren oraingoan ere eta datorren urterako jarri dute zita: uztailak 2. Selekzionadoreak lanean hastekoak omen dira dagoeneko.
«Lasai ederrean nagusitu ziren ez-gurasoak berriz ere»
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!