Partidurik garrantzitsuena Barrenetxeak, gaur

Bere kirol ibilbideko «erronka nagusia» izango du gaur Endi­ka Barrenetxeak, orain arte jo­ka­tu duen partidurik garran­tzi­­tsu­ena. Izan ere, finalean sartzea dauka jokoan, Buruz Bu­ru­ko Txa­pelketan. Eta horretarako, Xanti Uterga mendean har­tu beharko du, arratsaldeko 16:00etan hasita Galarretan, semifinaletako li­gax­­karen az­ken partiduan.
Irabaztea dauka aukera ba­karra, irailaren 12an Urrizari txapela lehiatuko badio. Gaur­ko garailea finalean izango da, eta galtzaileak agur esango dio txapelketari.

Faborito argirik ez
Txapelketa hasi aurretik, Uter­ga izango zen faboritoa, bien artean. Baina torneoa nola joan den ikusita, oso partidu parekatua espero da. Barre­netxeak hobera egiten jarrai­tzen du, eta Utergak zalantzak sortu zituen Urrizaren kontra galdu zuen partiduan. Iaz, 30-22 nagusitu zen doneztebarra, baina Buruz Burukoan, partidu bakoitza ezberdina da.
Aurreneko finala jokatzea dute biek erronka, eta ikuskizuna ziurtatuta dago.