Urriaren 5etik 18ra egingo da IV. Bakailu Astea, eta ohi bezala, tabernen arteko pintxo lahiaketa egingo da. Parte hartu nahi duten tabernariek, eta beren menu edo kartan bakailua eskainiz parte hartu nahi duten jatetxeek zabalik dute izenemate epea, irailaren 10era arte.
Horretarako, Biteriko turismo informazio puntura jo dezakete, edo 943 33 70 28ra deitu (Gurutze), turismoa@hernani.eus helbidera idatzi, edo Berriak elkartera deitu: 943 33 30 49. Izenemateak 30 euro balio ditu.
Aurten, astebete gehiago
Aurreko urteetako arrakasta ikusita, aurten astebete gehiago iraungo du Bakailu Asteak; urriaren 5etik 18ra. Horrela, pintxo lehiaketak ere ia bi aste iraungo ditu; urriaren 5etik 16ra, astelehenetik ostiralera, bi egun horiek barne. Lehiaketara aurkeztutako pintxoen oinarriak bakailua izan behar du, noski, eta pintxoak euro batean salduko dira.
Puntuazio onena lortzen duen pintxoa egin duen tabernak Hernaniko Bakailu Pintxo Onenaren Diploma jasoko du, eta, gainera, Fagollaga jatetxean otordua irabaziko du, bi lagunentzako.
Bakailu pintxoei izena jarri beharko zaie, eta errugbiari erreferentzia egiten dioten izenak jartzea proposatu da, elkartearen 50garren urteurrena ospatzeko
Errugbi Elkartearen 50garren urteurrena, gogoan
Lehiaketan parte hartu ahal izateko, izena jarri behar zaie pintxoei, eta proposatu da errugbiari erreferentzia egiten dieten izenak erabiltzeko. Izan ere, Errugbi Elkarteak 50 urte betetzen dituela gogorarazi nahi da horrela.
Parte hartzeko deia
Berriak elkarteak, Behemendik eta Hernaniko Udaleko Turismo Sailak parte hartzeko deia luzatu dute.