Azken zazpi urteetako ohiturari jarraituz, aurten ere, ikas bidaiarako dirua biltzeko asmoz, Pirritx, Porrotx eta Marimotots pailazoen emanaldia antolatu du ‘Hernani’ Musika Eskolako akordeoi taldeak.
Emanaldia bihar izango da, larunbata, arratsaldeko 18:00etan hasita, Atsegindegin, eta sarrerak salgai daude Ikusi Makusi jolas dendan eta Leokadisti liburudendan; Txo, Mikmak Txikia ikuskizuna emango dute hiru pailazo ezagunek eta haien lagunek.
Egurrezko amets bat eraikitzen ari direla ikusiko du Txo mutikoak.
Ameriketatik, balea batean
Ikuskizunean, Amerikako Mikmak tribu indiarreko mutikoaren istorioa kontatuko dute. Txo izeneko mutikoa balea baten gainean etorriko da Euskal Herrira, bere antzinako arbasoen herrira. Bertan, ikusiko du nola ari diren egurrezko amets bat eraikitzen: San Juan baleontzia.