Iluntzeko 20:00etan botako dute, Latsunbeberri-Marieluts auzoan, jaiei hasiera emango dien suziria. Baina aurretik festa giroan murgilduta ibiliko dira; arratsaldeko 17:30etan frontenis txapelketa jokatuko baita. Suziriaren ondoren, berriz, sardin-jatea egingo dute, 20:30etan. Eta gaueko 21:30etatik 02:00ak arte, musika izango da nagusi: TDJS (Txingudi deejays) taldea.
Izenemateak, eta paella jaterako txartelak
Festak ez du etenik izango asteburu osoan. Bihar, besteak beste, paella jatea eta ping-pong txapelketa egingo dira; azken honetarako izenematea Bizilagun Elkartean egin behar da, eta paella jaterako txartelak, berriz, Latsunbe, Gailur eta Inaxi okindegietan erosi daitezke.