Udaran ere lanean majo aritu dira pelotari hernaniarrak, eta emaitza politak lortu dituzte.
Ohian Zugasti hernaniarrak, Olaztiko Muguruzarekin batera, Errioxako Tricioko Torneoa jokatu zuen, infantiletan. Najerako Garcia-Minguez bikotea izan zuten aurkari, eta azken hauek lortu zuten txapela, 18-13 irabazita.
Benjaminetan, berriz, Donostiako Patxi Montes Torneoan aritu dira Julen Deskarga eta Ekain Apaolaza. Errenteriako Lizarazu-Goikoetxea bikotea gehiago izan zen, ordea, eta hernaniarrek 16-6 galdu zuten finala.
Bi horiekin, 7 final jokatu dituzte pelotari hernaniarrek dagoeneko, denboraldia hasi besterik egin ez denean.