Zikuñako Ama Futbito Trofeoa jokatu zen atzo, Zikuñagako Festei hasiera emateko.
Gaurkoan ere, kirolak izango du protagonismoa. Eguerdiko 12:00etan toka, bote eta igel txapelketak jokatuko dira, haurren artean. Arratsaldeko 17:00etan, berriz, haurren esku pelota kanporaketak jokatuko dira; finalak igandean jokatuko dira. Ondoren, 18:30etan moto lasterketa izango da, 4 urtetik beherakoentzako; nork bere kaskoa eta motorra eraman behar ditu.
Eguna bukatzeko, iluntzeko 20:00etan, Futbolin Txapelketako finalaurrekoa eta finala jokatuko dira.
Asteburuan, gehiago
Bihar arratsaldean segiko du festak, erraldoi eta buruhaundiekin (17:30), haurren futbito partiduarekin (19:00), barbakoa herrikoiarekin (21:00), irrintzi lehiaketarekin (23:30), eta Los DelGas eta I Am Raros taldeen kontzertuekin.
Larunbat eta igandean, berriz, egun osoan izango da festa Zikuñaga auzoan; hasi goizean eta gauera arte, edo norberaren indarrek pott egiten duten arte!
Festa, Latsunbeberrin ere
Bihartik igandera, Latsunbeberri-Marielutsen ere festak ospatuko dira.