Bost ikastaro antolatu ditu Udal Berdintasun Arloak, Emakumeentzako Jabetze Eskolen barruan: Munduko Emakumeen Literatura eta RAP tailerra gaztelaniaz, eta Batukada Feminista, Etxeko Konponketak eta Orientazioa Mendian euskeraz. Horrez gain, Berdintasunean eta Aniztasunean Prestatzeko Gunea ere zabalik dago.
Izena emateko epea irailaren 11ra arte egongo da zabalik Plaza Feministan (Aristizabal kalea 7, behea), 943 33 70 17 telefonoan, edo maialan-a@hernani.eus eta marijo-m@hernani.eus helbide elektronikoetan.
Ordutegi eta prezio desberdinak
Ikastaro bakoitzak iraupen, ordutegi eta prezio desberdina dauka.
Munduko Emakumeen Literatura urriaren 8tik ekainaren 2ra emango da, hilabete bakoitzeko aurreneko ostegunetan, 18:30etatik 20:30etara Plaza Feministan (18 euro); RAP tailerra urriaren 6tik otsailaren 9ra, astearteetan, 17:00etatik 19:00etara Plaza Feministan (32 euro); Batukada Feminista, irailaren 25, urriaren 2, 16 eta 30, azaroaren 13 eta 27, eta abenduaren 4 eta 18an, 17:30etatik 19:30etara, Laubidietan (16 euro); Etxeko Konponketak, urriaren 20tik abenduaren 15era, astearteetan, 18:00etatik 20:30etara Gabriel Zelaian (20 euro); eta Orientazioa Mendian, irailaren 12 eta 26, urriaren 10 eta 24, eta azaroaren 7 eta 21ean, 09:30etatik 13:30etara, Plaza Feministan, herrian zehar eta inguruko mendietan (24 euro).
Haurtzaindegi zerbitzua
Ikastaro guztietan haurtzaindegi zerbitzua izango da.