Amaiera ezin bikainagoa eman dio Urko Semperenak, dagoeneko bikaina zen denboraldiari. Pistako Espainiako Txapelketan lehiatu zen, Madrilgo Galapagar herrian, eta erakustaldia eman zuen astigartarrak: lau proba jokatu, eta hirutan jantzi zuen urrezko domina.
Scratchean lehiatu zen aurrena, bakarka. Taldekide bat harrapatu zuten unea aprobetxatu, eta 16 bueltaren faltan jo zuen erasoa Semperenak, Bakarrik aurrena eta Baleareetako txirrindulari batekin ondoren, bi buelta falta arte iraun zuen buruan. Baina ez hori bakarrik: aurrena zijoan Murtziako ziklistaren gurpilean eutsi, eta esprintean irabazteko gai izan zen oraindik.
Taldeka, beste bi urre
Egun horretan bertan, arratsaldean, finalerako sailkatu zen taldekako persekuzioko bi probetan, hirunaka eta launaka.
Eta hurrengo egunean, ez zuten huts egin: Valentziako selekzioari irabazi zioten hirunaka, eta Baleareetakoari launaka.
Beste final bat ere jokatu zuen astigartarrak, 500 metroko abiadura proban, eta seigarren izan zen.
Hiru urrezko domina kolkoan, amaiera eman dio denboraldiari, eta iraila bukaeran hasiko da berria prestatzen.