Egun pasa antolatu du Osiñagako auzo elkarteak, irailaren 6an (igandea). Erriberri (Olite) eta Tafallara joango dira eta izen ematea zabalik dago. Erriberrin hamaiketakoa eta goiza-pasa egingo dute eta ondoren, Tafallara joango dira bazkaltzera. Bertan, arratsaldea pasako dute. Bazkaria 25 euro inguru izango da nagusientzat, eta erdia, gutxi gorabehera, haurrentzat. Asteburu honetan, auzoan etxez-etxe ibiliko dira izenak jasotzeko. Izena emateko beste modu bat ere badagoela azaldu dute: auzo elkarteko komisioko lagun batekin kontaktuan jarriz.