Munduko atleta beterano onenen artean aritu zen Sergio Roman hernaniarra, joan den igandean, eta baita onenetakoa dela erakutsi ere. Master mailako Munduko Txapelketak jokatu ziren Lyonen (Frantzia), eta maratoi erdian lehiatuta, 13garren postua lortu zuen, aurrenekoetatik gertu. Gainera, brontzezko domina janztea ere lortu zuen taldeka, Espainiako selekzioarekin.
«Azken lau kilometroak oso gogorrak izan ziren»
Ez zuen lasterketa erraza izan hernaniarrak. Aurreko egunetan gaixo egon zen, eztarriko infekzioarekin, eta antibiotikoak hartu behar izan zituen. Gauzak horrela, zalantza askorekin iritsi zen zita haundira, baina ateratzea erabaki zuen azkenean: «sufritzea tokatu zitzaidan, azken lau kilometroak oso gogorrak izan ziren, bareak jota egin behar izan bainituen».
«Esperientzia polita izan da»
Ia 100 herrialdetako atletak bildu ziren asteburuan Lyonen, eta 9.000 atleta inguru lehiatu ziren Munduko Txapelketan: «esperientzia polita izan da», azaldu du atleta hernaniarrak.