Santio jaiez gozatzeko momentua da orain, datozen lau egunetan. Baina festak bukatutakoan, gozamen hori zenbaterainokoa izan den ezagutu nahi du Astigarragako Udalak, eta zer egin dezaketen hurrengo urtean jaiak hobeak izateko. Horregatik, herritar guztiak animatu nahi dituzte, jaien balorazioa egitera: «zure iritzia ezagutu nahi dugu».
Kutxak erabiliz edo internet bidez
Horretarako, hainbat aukera izango dituzte eskura. Batetik, kutxak jarriko dituzte kultur etxean, udaletxean eta kiroldegian. Eta bestetik, internet bidez ere egin daiteke, www.astigarraga.eus Udalaren web orrian.