Buruz Buruko Txapelaren lehia gaur hasiko da argitzen, semifinaletako ligaxka hastearekin batera. Utergak eta Endikak jokatuko dute estreinako partidua, 16:00etatik aurrera Galarretan. Aurreneko lau puntuen bila aterako dira biak, eta gertutik jarraituko dute partidua, ligaxka osatuko duten beste bi erremontistek: Barrenetxea IV hernaniarrak eta Urrizak. Beraiek, elkarren kontra izango dute aurrenekoa, larunbat honetan bertan.
Hiruna partidu jokatuko dituzte semifinalistek, eta bi onenak sailkatuko dira finala jokatzeko, txapelaren bila, irailaren 12an.
Uterga, Endika, Barrenetxea IV eta Urriza ariko dira ligaxkan, finalerako pasea lortzeko.
Beste hiru partidu, jaialdiak
Partidu haundiarekin batera, beste hiru ere izango ditu gaurko jaialdiak Galarretan: Goikoetxea V-Aizpuru III/Segurola-Zaldua; Urriza-Zubiri/
Ezkurra II-Ion; eta Matxin VI-Martirena/Ansa II-Labaka.