lau erremontistek jokatuko dute Banakako Txapelketa Nagusiko ligaxka. Bik, Utergak eta Urrizak, hasieratik dute plaza; Endikak asteartean lortu zuten plaza, Matxin IIIren kontra irabazi eta gero. Eta gaurkoan, laugarren plaza izango da jokoan. Endika Barrenetxea erremontista hernaniarrak Etxeberria IV izango du aurrez aurre, lehia horretan. Txapelketako aurreneko partidua izango da hernaniarrarentzat. Etxeberria IV lesio batetik dator, eta Barrenetxeak Kronikari azaldutako moduan, hori izan daiteke klabea, hernaniarrarentzat. Bikoteka maila ederra erakusten ari da Barrenetxea, eta sasoi bete-betean iritsi da txapelketa haundira. Zeresan haundia eman du azken hilabeetan; orain arte ordea, banakakoa ez da bere fuertea izan.
Zubirik, partidua
Erremonte jaialdia 16:00etan hasiko da, eta txapelketako partidua bigarrena izango da. Aurrenekoan, Zubiri goizuetarra ikusteko aukera izango da; Zalduarekin jokatuko du, Goikoetxea V eta Aizpuru IIIren kontra.