Salillas bigarren, 72 ordutan 265 kilometro eginda

XABIER Salillas atleta her­naniarrak badu marka berri bat, palmareserako. Ibaimen­di Club Deportivo Ultrafondo Can­tabria taldean dabil Sa­lillas, eta Frantziako Privas-Ardeche proban izan berri da. Erresistentzia proba batean hartu du parte oraingo honetan Salillasek. Helburua zen, 72 ordutan ahalik eta itzuli gehien ematea kilometro bateko zirkuitu itxi bati. Martxa modalitatean jokatu zen proba, eta nazioarteko atletek hartu zuten parte. Salillasek marka ederra egin zuen, 265 kilo­metro egin baitzituen; kon­tuan izan behar da gainera, modalitate berria dela martxa Salillasentzat. Proba britaniar atleta batek irabazi zuen, 281 kilometro eginda.