Goizuetako jaiek gauza asko dituzte bereziak, eta horien artean, egun bakoitza publiko berezi bati dagoela zuzendua. Umeen eguna joan den igandean izan zen, eta herriko txikienek gogotik gozatzeko aukera izan zuten txaragan, otorduak, magia, eta abarrekin... Festak ofizialki ostiralean asten dira ordea, eta handik aurrera ere, izango dute zerekin disfrutatu.
Etzi, Amabirjin bezperan, erraldoi eta buruhaundiak ibiliko dira kaleetatik barrena. Eta ez da egun bakarra izango; izan ere, larunbatean eta astelehenean ere izanen dira.
Igandean gainera, haurrentzako puzgarriak izanen dira goiz eta arratsalde, eskolan. Eta haurrentzako toka txapelketa ere antolatu dute, 11:30etan.
Azkenik ume koxkor edo gaztetxoentzat, zezenak izanen dira igandean eta asteartean. Bi kasuetan, arratsaldeko 17:00en bueltan.