Dobera Euskara Elkartearen ipuin faktoriako liburua kalean da: Chertat eta lehoia. Saharako istorio bat kontatzen da liburuan. Doberak Abdi Ami Omar margolari sahararrarekin egin du lana; haren eskutik izan baitu ipuinaren berri. Proiektu interkulturala izango da, euskeraz eta Saharako hizkuntzan baitago idatzia.
Saharatik etorritako umeei, ipuin bana
Hego Euskal Herrira Saharako 450 ume etorri dira aurten uda pasatzera. Doberaren nahia da, ume bakoitzari ipuin bat ematea opari. Doberak berak 50 ipuin emango ditu, eta beste 400 aleak banatu ahal izateko laguntza behar du. Bi modu daude: batetik partizipazioak erosi daitezke 30 euroan, ipuina lortu eta beste bat Saharako haur bati emateko; edo bestetik, dirua ingresatu daiteke, izen abizenak jarriz, 2100 2403 81 0200139836 (La Caixa) kontuan.
Salgai, gaurtik
Liburua erosi nahi dutenek gaurtik dute eskuratzeko aukera Doberako lokalean (Larramendi, 11). Ipuinaren prezioa 15 eurokoa da; bazkideentzat, 12 eurokoa.