Eguraldiak laguntzen badu, asfaltatze lanak hasiko dira gaur Hernaniko hainbat kaletan. Kale hauek fresatzeko, asfaltatzeko eta margotzeko, trafikorik gabeko gune bihurtu behar direla azaldu du Udalak eta egun horietan aparkalekuak hustu eta kale batzuk itxi egingo dira.
Gaur, Urbieta kalean ariko dira, 17 eta 16 zenbakien artean, tramu gorrian, eta itxita egongo da. Datorren astean jarraituko dute lanek, astelehenetik ostiralera.
Astelehena: Urbieta (16-17 artean itxita), Urbieta-Elkano (bidegurutzean kotxeak pasatzeko moduan), Biteri kalea (itxita) eta Oarso (itxita). Asteartea: Urbieta, Oarso, Bidebieta (itxita) eta Txirrita-Izpizua (Zinkoeneatik Orkolagako aparkalekura sarrera zuzena itxita. Txirritan gorantz sarrera probisionala. Txirritatik Zinkoeneara bidea irekita. Txirritatik Izpizuara tarteka itxita). Asteazkena: Urbieta, Urbieta-Elkano, Bidebieta, Txirrita-Izpizua eta Latsunbeberri (itxita, azken tramuan). Osteguna: Latsunbeberri eta Urbieta-Elkano. Ostirala: Urbieta eta Urbieta-Elkano.
Eragozpenengatik barkamena eskatu du Udalak eta eskerrak eman ditu laguntzagatik.