Uztaileko ostegunetan, kontzertuak antolatu ditu Ereñotzuko Irrintzi tabernak, Auzo Udalaren laguntzarekin. Bost emanaldi izan dira eta guztietan terraza bete egin dela azaldu diote Kronikari. Gustora dira ekimenak izan duen arrakastarekin: «Oso positiboki baloratzen dugu jendearen erantzuna ikusita. Auzoari bizitasun haundia eman dio eta abuztuan emanaldi gehiago nahi zituztela esaten ziguten. Beraien inplikazioa eta laguntza ere izugarria izan da. Eta tabernarentzako ere izugarrizko propaganda izan da, Hernaniko jende asko gerturatu baita».
Datorren urtean ekimenarekin jarraitzea espero dute, «bigarrengoa antolatzea lehendabizikoa baino errazagoa egingo zaigulakoan. Musikariren batek edo bestek bere burua eskaini du dagoeneko». Eskerrak ere eman nahi dituzte laguntza eman duten guztiei eta emanaldietara azaldu diren guztiei.