Sekulako markak egindakoa da aurretik ere, Iñigo Llopis igerilari hernaniarra. Oraingo honetan pausu bat gehiago eman, eta Kroaziako Varazdin herrian izan berri da, gazteentzako Igo Joko Paraolinpiko europearretan. Taldeka eta banaka hartu du parte Llopisek, eta 12 dominekin itzuli da etxera; guztiak, urrezkoak.
S8 kategorian, Espainiako taldearekin
Promesen mailako txapelketan, S8 kategorian, Espainiako AXA igeriketa taldean hartu zuen parte Llopisek. Bikainak izan ziren igerilari hernaniarraren saio guztiak, eta hala erakusten dute lortutako sei urrezko dominek.
Bakarka, ezin hobeto
Bakarka ere, zuen onena eman zuen Llopisek. Lau probetan hartu zuen parte: 50 eta 100 metro libre, eta 50 eta 100 metro tximeleta. Lauetan igerilari onena izan zen, bizkorrena, eta lau urrezko domina jantzi zituen.
Erreleboetan, bi domina
Erreleboetan ere, urrezko bi domina lortu zituen Llopisek. 4x50 metro estiloetan, eta 4x50 metro modalitatean hartu zuen parte.