ASTIGARRAGAKO udalak euskera eta kultura arloko hainbat dirulaguntza eskatzeko epea zabaldu du. Zehazki, hiru gaietarako zehaztu du diru partida: 16.500 euro euskera ikasteko laguntzetarako; 2.600 euro merkataritza eta enpresa alorrean euskeraren erabilera sustatzeko; eta 4.000 euro aisialdi begirale eta zuzendari titulurako prestakuntzarako edo unibertsitateko udako ikastaroetarako.
Epea, irailera arte
Eskaera egiten dutenek hainbat oinarri bete beharko dituzte. Bestalde, behar beharrezkoa da eskaera behar bezala beteta aurkeztea, Nortasun Agiriaren fotokopiarekin batera. Horiez gain, atalez atal eskatzen diren agiriak ere aurkeztu beharko dira. Eskaerak Udaleko erregistro nagusian entregatu behar dira irailaren 30a baino lehen; informazioa ere bertan eskuratu daiteke.