Iritsi da bukaerara Buruntzaldea Torneoaren bosgarren edizioa. Gaur jokatuko dira finalak, goizeko 10:30etatik aurrera, kiroldegiko frontoian.
Kadeteetan, eskuz banaka ariko dira elkarren kontra Ekaitz Insausti eta Xabier Salaberria. Jubeniletan, berriz, eskuz binaka ariko dira Iraola eta Oiartzabal, Lazkano eta Olidenen kontra. Eta seniorretan, binaka baita ere, indarrak neurtuko dituzte Urkizu eta Aizpitarte hernaniarrek, Maiz eta Labakaren kontra.
Bukatzeko, bazkaria
Denboraldia bukatzeko, bazkaria egingo dute pelotariek. Aurten, 30 final jokatu dituzte, eta 7 irabazi (gaurko hiru finalak falta dira kontatzeko). Gainera, Ojuel eta Aizpitartek Euskal Selekzioarekin debutatu dute.