Giro ederra, Iker Ruiz memorialean

Festa giroa ere, presente izan zen Iker Ruizen omenez antolatu zuten 3x3 me­mo­rialean. Larunbatean jokatu zen, eta txapelketak fase ez­berdinak izan zituen. Goi­zean, Triple Txapelketa izan zen jokoan, eta Jon Azaldegi tolosarra izan zen onena, 10 tripe sartuta, 30 segundotan. Eguerdian, gazteen arteko finalak jokatu ziren. Junior mutiletan, Coca Juniorsek irabazi zuen 14-17, La Go­za­deraren kontra. Junior nes­ketan, Boom Bitch izan zen nagusi, 14-10, Warriorsen kontra. Kadete mutiletan, Pan! taldeak irabazi zuen, 19-8, Orixe Bullsen kontra. Az­kenik, infantil mutiletan, Alperrak taldea nagusitu zen, 13-5, Pepinillo team taldearen kon­tra.  Guztiek jaso zuten ondo merezitako domina.
Senior mutiletako azken fasea arratsaldean jokatu zen. Finalerdietan, Joxeaus­ti­ñen Frutadendak irabazi zuen, 20-15, Freestylersen kon­tra. Eta Kebab Team tal­deak, 3-2 ira­bazi zuen libreen tandan, Los Fruitis taldearen kontra. Fi­na­lean, Joseaustiñen Frutaden­da talde tolosarra nagusitu zen, 11-16, Kebab teamen kon­tra. Domina, diru-saria eta otor­duak irabazi zituzten.