Bukatu berri dira Santio jaiak, eta gertutasun hori aprobetxatu nahi Udalak, herritarren iritzia jakiteko. Herritarrek jaietaz zenbateraino gozatu duten jakin nahi du Udalak eta inkesta moduko bat prestatu du, galdera batzuekin.
Zenbateraino disfrutatu duzu Santioetan?
Festak bukatuta, Astigarragako Udalak jakin nahi du festak herritarren gustukoak diren, edo zer egin dezakeen hurrengo urtean jaiak hobetzeko. Hori horrela, herritar guztiak animatu nahi ditu jaien balorazioa egitera: «zuen iritzia ezagutu nahi dugu».
Inkesta osatzeko, bi modu
Inkesta bete eta iritzia eman nahi duen herritarrak bi aukera ditu. Batetik, kultur etxean, Udalean eta Kiroldegian ditu kutxak. Eta bestetik, internet bidez ere eman daiteke iritzia, www.astigarraga.eus web orrian.
Sei atal edo gaietan banatu dute inkesta, eta hauen inguruan hainbat galdera egin dituzte: ekitaldiak, kokapena, antolaketa, segurtasuna, trafikoa eta garbitasuna.