«Herri txikia da, gertukoak gara eta dena ematen dugu; eta hori nabaritzen da»

Denbora gutxi da Unai Loiar­te, Goizuetako Alkate kargua hartu duzula. Nolakoak izan dira hilabete hauek?
Unai Loiarte: Aldaketa eta ego­kitzapen hilabeteak. E­kai­­­nen sartu ginenetik 2 hi­labete pasa dira, da­goe­neko. Hasierako as­te haie­tan orain baino gal­du­xeago ibil­tzen nintzana­ren sen­­tsa­zioa dau­kat. Ordun eta ge­hiago ikasi hemengo mar­txak, ordun eta gustorago bai­ta ere lanak egiten.  Udako mar­­txak eta irai­letik aurre­koak diferen­teak omen dire­nez, oraintxe kurtsoa nolakoa izan­go den ikasteko gogoa­rekin.  

Zein da Gure Esku Dagoren ibilbidea Goizuetan?
Olaia Lekuona: Jon den ur­teko giza katea eta aurtengo oihalen lanketa eraman da aurrera. Jai eta aldarrikapen giro horren bueltan herri­tarrak juntatzeko ahalegina.
Unai Loiarte: Guk, udale­txe­tik, Gure Esku Dagoren buel­tan sor­tutako filosofia era­man nahi genuke aurrera. Goizueta izanda aurrera era­man nahi dugun proiektua, jende dife­renteak elkarrekin lana egitea, herriri zein norabide eraman nahi dugun erabakitzeko.

Eta epe motzera, zein dira erronkak Goizuetan?
Unai Loiarte: Orain arten bezala, eragileekin harre­man ona izaten saiatuko gara, herriko eragile desberdinekin eta herritar soilekin ere bai; ahalik  eta gertutasun gehie­na mantentzea, beraien inte­resak zein diren jakiteko. Ez genuke nahi gu udalean egoteagatik erabakiak har­tzen ditugunak izatea, baizik eta ikustea zer nahi dun herriak eta guk ho­rren arabera gure lana egitea.  

Goizuetako festak hastear diren honetan, zein giro sumatzen duzue herrian?
Unai Loiarte: Herria itxu­ral­datzen hasia da. Ikastolako taberna montatzen denetik, nire ustetan, somatzen has­ten da herrian fiesta giroa. Ba­rrerak patuk daude, eta egun horietan tabernatara hor­nitzailek hasi dira edarik ekartzen. Horrek fiestak gai­nean ditugula oroitzen digu!
Olaia Lekuona: Bai, eta pro­grama banaketak ere ema­ten dio bere puntua. Egun horie­tan egin duen eguraldia egiten badu, ez du giro txarra izanen.  

Hasiera batean Gobernu Taldea zen txupinazoa botako zuena. Testigu hori ordea, Gure Esku Dago parte hartu duten bi laguni ematea erabaki duzue. Zergatik?
Unai Loiarte: Beti esaten da aldaketa behar dela eta al-
d­aketa hori herritik sortuko de­la. Herriari eman nahi ge­nion aukera hona gora igo­tzeko, beti udaletxeko agin­tariak izan beharren he­men goian egon daudenak.

Pentsatu al duzue diskurtsoa?
Unai Loiarte: Ez, egia esan ez. Oraindik badaukagu astebete preparatzeko eta nerbi­oak arrunt konfunditzen ez ba­gai­t­uzte, zerbait  esango dugu Bes­­tela… ‘Gora goizu­tako fies­tak!’ eta itxaferori sua eman agudo.
Jabier Apezetxea: Bai, betiko motz hori exkax xamarra gelditzen dela, baino…

Nolako eguna izatea espero duzue?
Jabier Apezetxea: Momen­tuan urduri jarriko naiz, Zer san, zer egin… ez da gauza bera txupinazoa behetik ikusi edo goitik.
Olaia Lekuona: Lau hitz be­hin­tzat paperen idatzik eraman beharko ditugu, ez ahazteko! Eta bestela, egun polita izatea espero dut. Gero koadrilako afaria daukagu eta orduko nerbioak pasata izanen al dira!
Unai Loiarte: Inoiz hemen goi­tik ikustekoa txupinazoa,  eta berezia izanen da du­darik gabe.  

Zer dira zuentzat Goizuetako jaiak?
Jabier Apezetxea: aste bat disfrutatzeko gure lagune­kin, familiarekin, otordu ba­tzuk eginez, gauean parran­da pixka bat eginez...  Lasai­tasun pixka bat guretzako, urte guztian lana egiten dugunontzako.
Unai Loiarte: ni  festa au­rreko as­tean la­nez lepo ibiliko nai­zela iruditzen zait; turno bat he­men, beste bat han, gero uda­letxeko lanak ere bai… bai­no behin 14ko txupina­zoaren on­doren, lanaren txip hori aldatzen da eta fiesta giroan sar­tzen zara, jendea­rekin dis-f­ruta­t­zeko giro horretan.
Olaia Lekuona: nik uste poza de­la. Ikusten duzulako herri guztia dago­ela alai, disfruta­tze­ko prest. Jen­de pila bat etor­tzen da kan­potik, edo herrikoa izan­da kanpoan bizi dena, haiekin hitz batzuk egin… Eta oroi­tzapen asko ere bai, gaz­tea­goak ginenean egi­ten ge­ni­tuen parrandena. Orain beste forma batera egiten ditugu.

Urumea bailaran tradizio haun­dia dute Goizuetkao jaiek. Zer dute berezi?
Jabier Apezetxea: Goizutako jendea irekia da eta kanpotik aspaldi ikusi gabeko lagunak gustora etortzen dira ho­rre­gatik. Herri txikia da eta nik us­te giro jatorra egoten dela.
Olaia Lekuona: bai, ze pro­gra­ma aldetik ez do beste herritan ez dagoenik. Gertukok gara, dena ematen dugu, eta hori nabaritzen da. Ah! Eta Ura! Nik beti esaten dut hemengo urak baduela zeozer berezia…

Alkate figurara itzulita, zein dira epe motzean hartuko dituzuen erabakiak?
Festen ondoren, Gaztetxeko pa­retak sendotu eta teilatua ber­ritzeko obrari hasiera eman­­go diogu. Horrekin ba­te­ra, herritarren beharrak iku­sita, tokatuko zai­gu aztertzea eraikin horrek behar orori no­la posible dion erantzun.