Sekulakoak izan ziren eztandak Ergobin, atzo arratsaldean, eta oihuka eta saltoka baino, susto eder batekin hasi zituzten jaiak auzotarrek. Aurreneko aldiz, kañonazoa izan zen festei bidea ireki ziena, Urgulleko artilleroen eskutik, eta zortzi bider eragin zuten eztanda. Baina aurreneko artilleroa Jon Garaño zinegilea izan zen. Ergobin jaio izanik, berak eman zien hasiera jaiei.
Sustoaren ondoren, umoreak hartu zuen auzoa, eta gaur segiko du festak. Krosa izango da aurrena, idi proba gero, eta bazkariaren ondoren, bolategia irekiko dute plazan. Zezen suzkoak eta musikak ez dute huts egingo.
GAUR, abuztuak 22
10:00, VII. Kross Herrikoia (izenemateak: irteeran, 15 euroan).
12:00, Idi proba: txapelketan debutatu ez duten idien erakustaldia, Aiako Izeta eta Arronako Etxetxo.
14:00, Bazkari herrikoi girotua (txartelak jaietako txosnan salgai).
19:00, Bolategia irekiko da plazan.
23:15, Zezen suzkoa.
23:30, Bolategia irekiko da plazan.
00:30, Musika jaialdia karpan DJ Bull-en eskutik.
BIHAR, abuztuak 23
11:00, Meza nagusia Astigarragako elizan, auzoko hildakoen oroimenez.
11:30, 54. Sagardo Lehiaketa.
17:00, Irrien lagunen eskutik, Ane eta Piratekin parrandan!
18:30, Herri kirolak, harrijasotzaileen lehia, Ergobiko 104 kiloko harri baldarrarekin: Idoia Etxeberria, Joxe Ramon Izeta II, Hodei Izeta IV, Iban Ugartemendia, Jexusmari Izeta III, Beñat Telleria eta Josetxo Urrutia.
21:00, Afaria plazako karpan, mariatxiek girotuta (txartelak jaietako txosnan salgai).
23:30, Harri proba: Hernaniko Imanol Paollaren zaldia, eta Astigarragako Emarri neska taldea.
ASTELEHENA, abuztuak 24
12:00, LI. Gran Premio Ergobia idi proba, aurreneko txanda (bi parte hartzaile). Aurtengo gonbidatuak: Errenteriko Matxain, Aiako Arzadun, Orioko Oliden eta Zaldibiko Elosegi. Euskal produktuen azoka plazan.
14:30, Bazkari ofiziala, bertsolariek girotuta (txartelak jaietako txosnan salgai).
17:00, Txaranga.
18:00, Idi proba, bigarren txanda.
23:15, Zezen suzkoa.
00:00, Ikuskizun paregabea.