Astigartarron gozamena, bihartik!

Iritsi da gozamenerako urte­ko zita nagusia, astigartarren agendan. Santio jaiak hasiko dira bihar, Aiztondo abesba­tzak txupinazoa botatzea­rekin batera, arratsaldeko 19:00etan. Segidan, akelarrea ibiliko da kalejiran, herrian zehar, Foru plazan antzez­pena eginez bukatzeko.
Hasiera ofiziala izango da hori, baina aurretik ere, festak hartuko du herria, goizetik. 12:00etan egingo dute txupi­na­zo txikia, eta gozatzeko aukera zabala izango dute haurrek, igelaren jokoan, ferietan, Sardina Freskue! ikuskizunean edo txokolatadan.

Lau eguneko programa, bete-betea
Lau egun izango dituzte aur­ten­ Santioek, bihar hasi eta igandera bitartean. Baina programa bete-betea  presta­tu dute, astebururako bere­ziki. Jokuek, musikak, kirolak edota mota guztietako ema­nal­diek hartuko dituzte Asti­garragako kaleak.
Etzi, musikak hartuko du protagonismoa. Eta mota guztietakoa izango da, gaine­ra. Mexikoko abestiekin ha­siko dira, Nor­berto Almandoz plazan, Fies­ta Imperial biko­tearekin, eta Jaixki txarangak segiko du gero, txosnako kar­pan. Hortik aurrera, ez da musika geldituko: Los Artis­tas del Gremio txaranga umo­retsua kaleetan, Artritis, Fri­days Crew, Arkada Social eta Las Tea Party txosnako kar­pan, Demodé Quarteten umo­rez­ko ikuskizun musikala Joseba Barandiaran plazan, eta Gra­nujas a Todo Ritmo txaranga gauerdian.

Denetik, Santio eta Santa Ana egunetan
Baina asteburua izango da benetan mugitua. Denetik izango da larunbatean, Santio egunean: ohiko dantzaldiak, udal­batzaren soka-dantza, Astigar taldearen saioa eta larrain-dantza herrikoia; so­ka­muturra, magoa, musika...
Eta igandean, Santa Ana egunez, ez dira faltako joal­dunak, idi dema, sagardo dastaketa, bertsolariak edota herri kirolak.
Laiotz taldeak jarriko diz­kie azken musika notak, aur­tengo Santio jaiei, eta zezen­suzkoak agurtuko ditu. 

BIHAR, UZTAILAK 23
10:30, Igelaren jokoa haurrentzat, bakarka edo aiton-amona batekin bikoteka, Norberto Almandoz plazan. Galtzaur elkarteak antolatuta.
12:00, Txupinazo txikia, Xaguxar elkarteak antolatuta, eta ondoren buruhaundi eta erraldoiak, musika eskolako AHIT txarangak lagunduta.
12:00, Feriak irekiko dira, eta fitxen prezioa euro batekoa izango da, aurreneko egunean.
14:00, Herri bazkariak:

• Foru plazan Xaguxar elkarteak antolatutako haur-bazkaria.  
• Joseba Barandiaran plazan gaztelekuko bazkaria. Txartelak gaur arte salgai, gaztelekuan.

16:30, Sardina Freskue! haur berbena eta jolasak Foru plazan. Betiko itsasoko euskal kantuak, mundu zabaleko doinu anitzez lagunduta.
18:00, Txokolate jatea Foru plazan, Xaguxar elkarteak antolatuta.
19:00, Txalapartariak; pregoia Aiztondo abesbatzaren eskutik, bere sorreraren XX. urteurrenean; eta txupinazoa.
19:30, Akelarrea. Kalejira Hernaniko dultzaineroek eta Txirriskla eta musika eskolako txistulariek lagunduta, Norberto Almandoz plazatik abiatuta.
20:00, Gazte Asanbladaren txosnaren irekiera.
21:00, Akelarrearen antzezpena, Foru plazan.
23:00, Gaztejai diskoteka, Joseba Barandiaran plazan; eta bukaeran, 02:00etan, apar-festa.
23:00, DJ gaua: Mike Villas, Morente eta Paket Flat Kolektiboa, txosnaren karpan. Gazte Asanblada.

ETZI, UZTAILAK 24
11:30, Haur parkea, ikastolako atarian: puzgarri, joku eta ur gaineko bolak.
11:30, Wipe Out parkea, 10 urtetik gorakoentzat, Txomiñenea frontoian.
14:00, Herri bazkariak:

• Gazte bazkaria txosnako karpan.  
• Erretiratuen bazkaria Galtzaur elkartean. 

15:30, Fiesta Imperial bikotea, abesti mexikarrak eta dantzaldia, Norberto Almandoz plazan.
16:00, Haur parkea, ikastolan: puzgarri, joku eta ur gaineko bolak.
16:00, Wipe Out parkea, 10 urtetik gorakoentzat, Txomiñenea frontoian.
16:30, Jaixki txaranga, txosnako  karpan. 
19:00, Apar-festa, Foru plazan. 
19:00, Artistas del Gremio txaranga.
20:00, azken aurreko ostiraleko kontzentrazioa, J.Barandiaran plazan.  
22:00, Artritis, Fridays Crew, Arkada Social eta Las Tea Party taldeen kontzertua; eta ondoren, DJ Txaladuras eta DJ Xemark. Txosnako karpan, Gazte Asanbladak antolatua.
22:30, Demodé Quartet, umorezko ikuskizun musikala, Joseba Barandiaran plazan.
00:00, Granujas a Todo Ritmo, blues musikako txaranga.

LARUNBATA, UZTAILAK 25
09:30, Txirriskla taldeko txistularien diana berezia. 
09:30, Euskadiko Toka Txapelketa, Norberto Almandoz plazan. Izenema­tea 09:30etatik 11:00etara.
10:00, XV. Iker Ruizen oroimenezko 3x3 Saskibaloi Txapelketa, kiroldegian. Mundarro elkarteak antolatuta. Sariak 18:00etan banatuko dira.
10:00 Haurrentzako VIII. Txirrindu­la­ri­tza Proba (2004-2011 artean jaiotakoentzat), Arrobitxulo kalean. Izenematea: aurrez kiroldegian, eta egunean bertan 09:30etan.
11:00, Meza nagusia Santiagomen­diko Done Jakue ermitan; eta ondoren, Txirriskla taldeko txistularien emanaldia.
11:30, Joko tradizionalak, 4-11 urte bitarteko haurrentzat, Mundarro plazan: lokotxak biltzea, zaku-lasterketa, sokatira.... Aurrera Mutilak Realeko peñak antolatuta. 
12:30, Udalbatzaren soka-dantza, Foru plazan.
13:00, La Parrús Dixie Band, musika eta animazio ibiltaria, Foru plazatik abiatuta.
18:00, Astigar taldearen dantza erakustaldia Txomiñenea frontoian.
19:30, Santa Ana eguneko demako idien pisaketa, Foru plazan. 
20:00, Pasai txaranga, Foru plazan.
20:00, Sokamuturra txikia, Foru plazan.
20:30, Beldur Barik gunea, jaietan indarkeria sexistari aurre egiteko hiriko mapa debekatua egingo da, gazteen laguntzarekin, Joseba Baran­diaran plazan. 
22:30, Yunke magoa, Joseba Baran­diaran plazan: gorputza zeharkatzen duten lantzak edo bitan mozten duen zerra, lebitazioak... Ilusio haundi eta txikiak publiko guztia txunditzeko.
23:00, Rantanpank taldearen kon­tzertua, txosnako karpan. Gazte Asanbladak antolatuta.
23:45, Larrain-dantza herrikoia, Foru plazatik abiatuta.
00:30, Psycho-Clown, perkusio erritmoarekin 9 musikari-aktoreren kalejira beldurgarria, AGAko gazteen parte hartzearekin. Joseba Barandia­ran plazatik abiatuta.
01:30, Potato taldearen kontzertua eta Trakets taldearekin dantzaldia, txosnako karpan. Gazte Asanbladak antolatuta.

IGANDEA, UZTAILAK 26
09:30 Iturengo joaldunak eta Astigarragako trikitilari gazteak herrian barrena ibiliko dira.
 
Santa Ana Eguneko jarduerak, Foru plazan, Goldea eta Zipotza elkarteek antolatuta:
11:30etatik aurrera:

• Burdinaren forja erakustaldia. 
• Sagardo dastaketa.
• Idi dema 1.700 kiloko harriarekin: Errenteriako Matxain, Orioko Oliden eta Larraulgo Kixkurraren idiak.  

12:00, Aitor Mendiluze eta Unai Agirre bertsolariak.
14:00-14:30, Herri bazkariak: 

• Ipintza sagardotegian.  
• Elkartasun bazkaria, txosnako  karpan. 

18:00, Txatarra, familiarteko publikoarentzako antzerki-zirku ikuskizuna, Apeztegi plazan. Euria egiten badu, ikastolako atarian.
18:00, Herri kirolak, Foru plazan: gazteen arteko probak, sokatira eta Astigarragako emakumeen I. Trontza Txapelketa. 
18:00, Bingoa, Galtzaur elkartean.
19:00, Kukai dantza taldearen Gela­jauziak, Joseba Barandiaran plazan.
19:30, Astigarragako trikitilari gazteen erromeria, Foru plazan.
20:00, Apalatxe bakarlaria, txosnako karpan. Gazte Asanbladak antolatuta.
20:00, Laiotz taldea, Joseba Baran­diaran plazan.
20:00, Hegaluze pintxoak eta Gerni­kako piperrak parrillan erreta, Joseba Barandiaran plazan.
22:00, Pelax eta Cow Boys Orches­tra eta Kike Tormenta abeslariak txosnako karpan.
22:30, Laiotz taldea, Joseba Baran­diaran plazan.
22:30, Zezensuzkoa, Joseba Baran­diaran plazan.