Iruñean, Oberena txapelketa jokatzen ari dira Ariane Arrieta hernaniarra, eta Maider Mendizabal anoetarra. Txapelketako fase guztiak gaindituta, finalerdietan dira. Gaur jokatuko dute finalerako pasea, eta aurrean Yanira Aristorena eta Claire Bordagaray izango dituzte. Partidu gogorra izango dute aurretik, baina badute konfiantza: «lana ondo eginez gero, aurrera egiteko aukerekin ikusten gara».
Orain arte jokatutako partiduetan, Elena Medina eta Mirentxu Hirigarayren kontra neurtu dituzte indarrak; aurreneko partidua izan zen hura, eta 30-26 irabazi zuten. Bigarren partiduan, Uxue Murillo eta Maritxu Housset izan zituzten aurrez aurre, eta hau ere irabazi egin zuten. Aipatzekoa da, Housset dela nazioarteko pelotaririk onenetakoa, besteak beste, munduko txapelduna baita.