Festetako azken eguna dute gaur Lizeagako bizilagunek, eta errematerako ekitaldi mordoa antolatu dituzte aurten ere. Txikienentzako jolasekin hasiko dute eguna, 10:00etan. Buruhaundiak eta txarangak girotuko dute eguerdi parteko herri poteoa. Eguneko ekitaldi zentrala izango da eguerdian egingo duten bazkaria (txartelak aurrez erosi behar ziren). Eta arratsaldean, aparraren festa eta dantzarako tartea izango dira. Festetako lehiaketa guztietako sariak ere, arratsaldean banatuko dituzte. Festak 20:30etan bukatuko dira, suziriak eztanda egiten duenean.
10:00 Umeentzako jolasak eta hamaiketakoa
12:00 Buruhaundiak eta herri-poteoa txarangarekin
14:30 Herri-bazkaria
17:00 Aparraren festa
17:15 Modesto Odoki:Gizon orkestra
20:00 Sari Banaketa
20:30 Jaien bukaera