Madalena egunari aurrea hartu, eta hiru eguneko egitaraua antolatu dute Lizeagan. Gaurtik hasita, adin eta gustu guztietarako ekitaldiak izango dira. Txikienentzako puzgarriak jarriko dituzte, arratsaldeko 18:00etan hasita. Helduek berriz, tute txapelketan parte hartzeko aukera izango dute. Aitan Etxe tabernan jokatuko da, gaueko 22:30etatik aurrera.
Marrazki lehiaketa, jana, edana, eta musika, bihar
Gaur pare bat ekitaldi izango badira ere, festak ofizialki bihar hasiko dira. Goizean haurren marrazki lehiaketa antolatu dute. 4 eta 14 urte bitarteko haurrek hartu dezakete parte, eta hiru maila edo talde izango dira. A taldea 4-7 urte bitartekoa izango da; B taldea, 8-11 urte bitartekoa; eta C taldea, 12-14 urte artekoa. Lehiaketa goizeko 10:00etan hasiko da, eta gaia berdina izango da guztientzat: Lizeaga auzoa. Parte hartzen duten neska-mutilek edozein teknika erabili dezakete, beti ere, beraien materiala erabiliz gero. Izen ematea ikastolako jolastokian izango da, eta irudiak ere bertan jaso beharko dituzte.
Marrazki lehiaketan 4 eta 14 urte bitarteko neska-mutilek hartu dezakete parte. Hiru maila izango dira eta nahi duten modalitatean marraztu dezakete.
Jana eta edanak ere izango du lekua bihar. 12:00etan Txakolin kata antolatu dute, eta 19:15etan sagardo dastaketa. Tortilla lehiaketan parte hartu nahi dutenek 18:15etarako eraman behar dituzte; mota guztietako tortillak onartuko dira. Eta iluntzeko 21:30etan, koadrilen arteko afaria egingo dute. Gogoratu dute, norberak bere otordua eraman behar duela.
Eta nola ez, jokoak eta musikak izango du tartea: kantu jolasak eta poker txapelketa jokatuko dira; eta musika 23:00etan hasiko da, Boss Musik Djaren eskutik.
Tortilla lehiaketarako era guztietako tortillak onartuko dituzte. Parte hartu nahi dutenek 18:30ak baino lehenago entregatu behar dituzte.
Jolasak, bazkaria eta musika, igandeko plana
Igandean ere, izango da zerekin gozatu. Eguna umeentzako jolasekin hasiko dute. Buruhaundiek eta herri poteoak girotuko dute eguerdi partea; eta urteroko bazkaria ere, ez da faltako. Arratsaldean aparraren festa antolatu dute; eta dantzaldia ere izango da Modesto Odoki gizon orkestrarekin. Iluntzeko 20:00etan, festetan jokatutako txapelketa guztien sari banaketa egingo dute. Eta jaiak 20:30etan bukatuko dira, azken suziria lehertzen denean.
AGENDA
UZTAILAK 17
18:00 Puzgarriak
22:30 Tute txapelketa Aitan Etxe tabernan.
UZTAILAK 18
10:00 Marrazki lehiaketa (gaia:auzoa)
12:00 Txakolin kata.
15:30 Mus txapelketa Lizeaga tabernan.
16:00 Kantu-jolasak
18:00 Txupinazoa
18:05 Toka eta bote txapelketa
18:15 Tortilla lehiaketa. Tortillak entregatzeko garaia
19:15 Sagardo dastaketa
21:30 Koadrilen afaria
23:00 Poker txapelketa Pacheco tabernan
23:01 Musika ‘Boss Musik Djarekin’
UZTAILAK 19
10:00 Umeentzako jolasak eta hamaiketakoa
12:00 Buruhaundiak eta herri-poteoa txarangarekin
14:30 Herri-bazkaria
17:00 Aparraren festa
17:15 Modesto Odoki: Gizon orkestra
20:00 Sari Banaketa
20:30 Jaien bukaera