«Fundazioak salatu egin du Bilduren gobernuak hasitako desjabetza»

Udaleko Gobernu taldeak prentsa oharra bidali du Kronikara, Asilo-Escuela Je­sus Nazareno Cristo Rey fun­dazioaren salaketaren be­rri emateko. Bertan dio, fundazioak salatu egin due­la Astigarragako Udalak fun­dazioaren lur eremu ba­ten desjabetza hasi izana: «au­rreko Bilduren go­ber­nuak maiatzaren 27an hasi zuen desjabetza espe­dien­tea, Andoni Gartzia alkate ohiak sinatutako dekretuak hala baimenduta. Erabakia pasa den ekainaren 15ean ar­gitaratu zen Gipuzkoako Al­dizkari Ofizialean, eta Fundazioaren errekla­ma­zioa­ren ondorioz, Udalak 30.000 euroko kalte or­dai­nari egin diezaioke aurre».

«Udalak fundazioari jakinarazi gabe bideratu du desjabetza»
Prentsa oharrean diote, Uda­lak fundazioari jakina­ra­zi ga­be bideratu duela desj­abe­tza: «era­ku­n­dearen idaz­k­a­riak eta Mikel Goena­ga apai­zak salaketan hala azaldu dute. Idatzian azpi­marratu dute Espai­nia­ko Konstituzi­o­aren 33.3 arti­kuluak esaten duela inori ez zaizkiola on­da­sun eta esku­bideak kenduko era­bakia be­har bezala justi­fikatu gabe. Eta bere ustez, ez dago jus­tifikatua expro­pia­zioa era­bil­pen publikoa edo interes sozialarengatik egi­ten denik. Guzti ho­nengatik, Astigarra­gako Udalari 30.000 euroko kal­teor­daina eskatu dio, eta EAJko gobernu hasiberriak egin beharko dio aurre erreklamazioari».
Alderdi jeltzaleak dio, opo­sizioan zela eskatu ziola Bilduren gobernuari Fun­dazioarekin liskarretan ez sartzeko: «Andoni Gartziak gobernuaren azken hila­be­teetan azaldu zuen ez zela halakorik gertatuko, baina Anuska ingurua eraberritze­ko lanek eragina dute Fun­dazioaren eremu pribatuan. EAJren ustetan, ez da egia esan eta ondorioz bai Fundazioa eta bai Udala izan dira kaltetuak».