Urtero bezala, 3x3 saskibaloi txapelketa jokatuko dute Astigarragako kiroldegian, Santio jaien bueltan. Iker Ruiz memoriala izango da, eta uztailaren 25ean jarri dute zita, goizeko 10:00etan.
Uztailaren 24ko eguerdira arte eman daiteke izena, eta ingresoa eginez ordaindu behar da.
Dagoeneko eman daiteke izena, eta inskripzio orriak eta informazioa interneten daude, astigarraga3x3.blogspot.com.es web orrian.
Izena emateko epea, uztailaren 24ra arte
Parte hartu nahi duenak, uztailaren 24ko eguerdira arte dauka aukera, apuntatzeko. Talde bakoitzeko 25 euro dira, eta Laboral Kutxako kontu honetan egin behar da ingresoa: 3035 0214 34 2140019016. Taldearen izena zehaztu behar da, ingresoa egitean, eta ondoren, justifikantea emailez bidali behar da, taldearen izenarekin, astigarraga3x3@gmail.com helbidera.
Taldeko lau kideak 18 urtetik beherakoak badira, ez dute ordaindu behar, baina bai izena eman, emaila bidalita taldearen izena eta kideena zehaztuz.