Iazko esperientzia ona oinarri hartu, eta aurten ere egingo dute Garagardo Azoka, Ikatza tabernan. Bihartik igandera egongo da zabalik, eta nahi duenak, aukera ederra izango du iluntzeko 19:00etatik gaueko 23:00etara.
Menu berezia, prest
Gerturatzen denak, ohiko garagardo azoketako giroa aurkituko du bertan, eta noski, menu berezia ere prestatu dute: saltxitxak, frankfurt eta bratwurst motatakoak; kodilloa edo ukondoa; eta postrerako, santiago tarta edo gazta aukeran.
Hiru zerbeza ezberdin, Paulaner markakoak
Eta Garagardo Azokan, noski, garagardoa izango da protagonista. Hiru motatako zerbezak egongo dira aukeran, hirurak Paulaner markakoak: Paulaner Salvator, Paulaner Original eta Paulaner Garia.