HERNANIKO Kontsumo Taldeak batzarra deitu du bihar, 19:30etan, Udaleko areto nagusian. Hernanin kontsumo taldea sortzearen helburuaz ariko dira, eta bide batez, Jateko proiektuaren aurkezpena egingo dute. Kontsumo taldeak herritarrak gonbidatu ditu batzarrera gerturatu eta parte hartzera.
Hainbat gai landuko dituzte biharko batzarrean, horien artean: garaian garaiko barazki ekologikoak; ekoizlea eta produktuen hartzailearen arteko harreman zuzena; bidezko merkataritzaren garapena, elikadura burujabetzaren aldeko proiektuen garrantzia: Baserri Sarea; eta talde izaera eta bazkide bitarteko antolakuntza.