Etenik gabeko festa Martindegin, bihar arte

Asteartean hasitako festari atzo heldu zioten berriro Mar­tindegi auzoan, eta bihar arte ez du etenik izango.

Kalejira eta ekitaldia, bazkal aurretik
Goizeko 07:00etan kalejira egin­go da auzoan, eta on­doren, lo kuluxkarako tartea izango da. 11:00etan ekingo di­o­te ‘mobidari’ berriro, tri­ki­ti­xak lagunduta, baserriz base­rri. Eta eguerdiko 13:00etan ekitaldi xume bat egingo dute goiko aristian. Auzo baz­ka­riarekin bukatuko da goiza, 14:30etan.

Umeentzako puzgarri eta animaliak, arratsaldean
Bazkalondorenean, umeen­tza­ko puzgarriak jarriko dira 16:00etan, eta zezentxo eta zalditxoak ere atereako dira, 18:00etan. Ondoren, 19:30etan, Laiotz taldeak dantzatzeko eguneko aurreneko aukera emango du.

Abere dema eta dantza, gauean
Aurten ere ez du hutsik egingo gaueko abere demak; 23:00e­tan hasiko dira nor baino nor, Hernaniko Imanol Paollaren zaldia eta Ortzaikako Imanol Etxeberriarena. Hauek buka­tzean, 00:00ak aldera, Laio­tzek joko du berriro, eta gauak aurrera egin ahala, platano dantza lehiaketa xelebrerako tartea izango da; nor ote aurten, abilena?

Bihar, gehiago
Festak bihar bukatuko dira. Baina aurretik, goizean, Eus­kal Festa eta ber­tsolariak izan­go dira, eta, arratsaldean, tri­ki­tilari gazteen txapelketa, to­ka, bertsolariak eta dantzaldia.