Asteazkenean ospatuko dute Karmen bezpera Goizuetan. Batetik, patata tortilla lehiaketa eginen dute, eta bestetik, herri afaria, plazan (euria eginez gero, Pilota Plazan); aurtengoa, 5garrena izanen da. Afalondorenean, 21:30ak aldera, suak ere izanen dira.
Izenematea, etzira arte
Patata tortilla lehiaketa 19:00etatik 20:00etara eginen da, plazan (eguraldi txarrarekin, Pilota Plazan). Izena banaka, binaka edota taldeka eman daiteke, astelehenera arte, Amaia Kafetegian eta Umore Ona elkartean. Patata tortillak egiteko osagaiak Udalak jarriko ditu: gatza, tipula bat, patata kilo bat eta 12 arrautza. Ez da beste osagairik onartuko. Tresneria, berriz, partehartzaileek eraman beharko dute: zartaria, sua, olioa eta norberak behar dituen tresnak.
Afaria, nork berea
Afaria 20:30etan hasiko da, eta bakoitzak bere janaria eraman behar du. Udalak, berriz, ardoa, sagardoa eta umeentzako freskagarriak jarriko ditu, eta baita mahaiak, aulkiak eta plastikozko plater, baso eta kubiertoak ere.