«Hauteskunde kanpainan agindu bezala, EAJ-PNVk lanean dihardu astigartarrak eurak izan daitezen atez ateko bilketa sistema baloratuko dutenak. Lehenik eta behin, Garbitania sozietatean Astigarraga zein egoeratan dagoen jakinaraziko zaie herritarrei», azaldu du Udal Gobernu Taldeak, prentsa ohar bidez.
Hori horrela, Jesusmari Santos alkateak Garbitaniari buruzko txostena eskatu du.
Garbitania, garesti
Garbitania Astigarragako hiri hondakinak jasotzen dituen enpresa publikoa da «EH Bilduk hala erabaki baitzuen gehiengo osoaren indarra baliatuz. Izan ere, Astigarraga Garbia ekimenez 1.675 herritarren sindaurek eskatzen zutenari, atez atekoa ez inposatzeari, muzin egin zioten».
Gobernu Taldeak dio Garbitania ez dela atez ateko zerbitzua eskaintzen duen enpresa bakarra. «2013ko martxoan Astigarragako Udalak 99.000 euro bideratu zituen enpresako akzioak erosi eta esleipen publikoa sahiesteko». Eta gehitu du, garestia dela: «2014an Oiartzunek Garbitania uztea erabaki zuenean beste 22.000 euro jarri behar izan zituen (...). 2015ean hiri hondakinen kudeaketari dagokionez, EH Bilduren gobernuak udal aurrekontuetako 628.000 euro ordainduko ditu. Kopuru oso haundia».
Hitza, herritarrei
Udal gobernu taldearen ustez, bilketa sistema aldatzeko Garbitaniatik atera beharko luke herriak, baina kostuen berri jakiteko txostena eskatu du. «Atez Atekoa kenduko bada, ezarri zenean ez bezala, astigartarren iritzia erabakiorra izango da».