Juxtu-juxtu, baina azkenean, Urriza eta Barrenetxea IVrena izan zen garaipena asteartean, San Fermin Torneoko finalerdian: 40 eta 39 irabazi zuten Ezkurra eta Endikaren kontra, Huarteko Euskal Jai pelotalekuan. Ezkurrak omenaldi txiki bat jaso zuen partidua hasi aurretik, profesionaletan daramazkien 25 urteak ospatzeko, eta indar horrekin, primeran hasi zuen partidua, Endikarekin. Aurrea hartu zuten markagailuan, 20-10 jartzera iritsi arte. Baina Barrenetxea IVk eta Urrizak ez zuten etsi, eta peloteoan lan haundia eginda, tanto bakarragatik garaipena lortu zuten azken momentuan. Bihar jokatuko dute finala, 16:30etan, Uterga-Etxeberria IIIren kontra.