Buruntzaldeako Torneoan murgildu dira pelotari hernaniarrak

Azken Torneoetan maila ederra erakutsi ondoren, pelotari hernaniarrak Buruntzaldeako Torneoan murgildu dira.
Lehengo asteburuan hasi zen torneoa; aurtengoa, 5ga­rren edizioa da. Bertan, aurten, 40 pelotari ari dira joka­tzen, 3 kategoriatan. Kade­teetan, eskuz banaka 4/5ean Hernaniko 4 pelotari ari dira parte hartzen. Jubeniletan, 8 bikote ari dira, eta seniorretan, 10. Partidu guztiak Hernanin jokatzen dira.

Hiru partidu, orain arte
Lehengo astean jokatu ziren torneo honetako aurreneko hiru partiduak.
Kadeteetan, Ekaitz Insaus­tik 22-5 irabazi zion Oier Ezeizari. Seniorretan, Cis­ne­ros eta Etxegoienek 22-17 ira­ba­zi zuten Altuna eta Ota­ño­ren kontra; eta Huizi eta Ariz­ko­rretak 18-22 galdu zuten Se­tien eta Etxeberriaren kontra.

Beste 8 partidu, aste honetan
Atzo jokatu zen aste honetako aurreneko partidua; Lazkano eta Oliden jubenilak Sein eta Lopezen aurka aritu ziren.
Aste honetako gainontzeko 7 partiduak bihar eta larunbatean jokatuko dira. Bihar, 17:30etan nagusietan, Urmeneta-Ortiz de Urbina/Ta­berna-Arzallus; eta 21:00etan, bi partidu gehiago: jubeniletan, Alberdi-G.Arizmen­di/Sa­ra­sola-Mendizabal, eta se­nio­rretan, Solano-Iruretago­ie­na/Setien-Etxeberria.
Larunbatean, goizeko 10:00etan bi partidu jokatuko dira: seniorretan, Lertxundi-Katalina/Urkizu-Lizeaga; eta jubeniletan, Pagola-Urruzola/ Agi­rre-Odriozola. Arratsaldeko 16:00etan beste bi partidu jo­ka­tuko dira: kadeteetan, Ekaitz Insausti, Xabier Sala­berriaren kontra; eta jubeniletan, Iraola-Oiartzabal/E.Ariz­mendi-Zugasti.

Arrieta eta Apezetxea, azpitxapeldun
Azken torneoetan ere bikain aritu da CD Hernani. Ioritz Arrieta Usurbilgo Torneoko azpitxapeldun izan da, Mikel Elola lasartearrarekin batera, Santxo eta Era­su­nen kontra 20-22 galduta. Oier Apezetxea ere azpitxapeldun izan da Nafarroako Herriarteko txapelketan, Goizuetarekin.