Herriko tabernen auzia dela eta, Garin tabernak ixteko agindua jaso du, eta prozesu hau salatu eta libre uztea eskatzeko, hainbat ekintza antolatzen ari dira aste honetan zehar, hainbat herritar.
Gaur iluntzeko 20:00etan herri batzarra egingo da tabernan bertan, egoeraren berri eman eta hurrengo pausuen inguruan hitz egiteko. Herritar guztiei egin diete deia, azaltzeko.
Jolasak eta karaokea, bihar
Batzarraz gain, beste hainbat ekintza ere antolatu dituzte aste osoan zehar. Astelehenean pistina jarri zuten Tilosetan, eta atzo musean aritu ziren.
Bihar, berriz, 17:30ak inguruan haur jolasak izango dira, eta gau partean, 22:00ak inguruan, Karaokea. Ostiralean, 23:00etan hasita, berriz, bingoa izango da. Bertaratu eta parte hartzeko deia egin dute.